GUIDES on ANSWERING Activity 3 of ALS Life Skills Module 4 - Work Habits & Conduct

 SESSION 1: LOOKING FOR JOB OPPORTUNITIES

Activity 3: The Job Interview

Reflect on previous job interviews. What was it like? What went well and what did not? If you do not have previous experience, you may leave this section blank.

            Magbalik-tanaw sa iyong mga nakaraang job interviews. Ano ang pakiramdam? Ano ang naging maayos at ano ang hindi? Kung hindi ka pa nakaranas ng isang panayam sa trabaho, hayaan blanko ang espasyong ito.

          Magkahalong kaba at pananabik ang aking naramdaman nang ako ay huling nainterbyu sa aking inaplayang trabaho. Kaba dahil iyon ang aking unang pagsalang sa karanasang iyon. Pananabik dahil sa posibilidad na magkaroon na ako ng trabaho. Naging maayos ang daloy ng aking panayam kapag may kinalaman sa aking sarili ang tinatanong ng interviewer. Hindi lang naging maganda ang panayam kapag purong English na ang mga tanong dahil hindi ako masyadong komportableng magsalita sa English.

Let’s Exercise!

Note the details of the job that you are applying for below. (Isulat sa ibaba ang mga detalye ng trabahong iyong inaaplayan.)

•  Customer Service Supervisor
• 5 taon o higit pang karanasang pagsisilbi sa mga parukyano
• Mainam sa pakikipagtalastasan
• May mga katangian bilang pinuno
• May kaalaman sa paggamit ng kompyuter
• Marunong gumamit ng MS Word at Excel

Now write your answers to the potential interview questions in the space below. (Ngayon, isulat sa espaso sa ibaba ang iyong mga sagot sa mga posibleng  itatanong sa panayam.)

Tell me about yourself.

            Ako si Juan Reyes Dela Cruz, 30 taong gulang, may-asawa at 2 anak. Mayroon akong Customer Relationship diploma mula sa STI-Caloocan. Dati akong Catering Supervisor sa isinarang Don Pedro’s Catering Services. Marunong akong gumamit ng kompyuter at gamay sa paggamit ng mga Microsoft softwares tulad ng Word at Excel. Habang naghihintay ng magkaroon ng permanenteng trabaho, nag-oonline selling ako ng iba’t ibang bagay upang may maitustos sa aking pamilya.

What qualities and skills do you have that will help you perform this job?

            Maliban sa aking nabanggit na pinag-aralan at kasanayan sa paggamit ng kompyuter at mga softwares, may kasanayan ako sa pamumuno ng mga kasamahan sa trabaho. Lagi akong kalmado at magaling pakipag-usap sa mga parukyano, mapilit man ang mga ito o nagrereklamo. Isa akong team player at may kasanayan sa pakikipagtalastasan sa mga pinuno o simpleng kawani ng kumpanya.

What previous experiences do you have that are related to this position?

            Ang aking huling trabaho ay isang catering supervisor na nangangalaga sa kapakanan ng mga parukyano at namumuno sa mga tauhan. Dahil ang kumpanya ay nangangailangan ng isang customer service supervisor, sa palagay ko ay angkop ang aking higit sa sampung taong karanasan para rito.

Describe the responsibilities you had in your previous job.

            Maliban sa pamumuno sa mga tauhang nakaatang sa akin, gumagawa ako ng weekly schedule of work ng aking mga tauhan. Nakikipag-ugnayan din ako sa tagapamili upang bilhin ang mga kailangan ng aming departamento. Dagdag pa rito, gumagawa rin ako ng monthly budget at report. Nag-iinterbyu rin ako at tumatanggap ng mga bagong trabahador. Ang aking pinakamahalagang gawain ay ang makipag-usap sa mga parukyano, ibigay ang kanilang pangangailangan, sagutin ang kanilang mga katanungan, at bigyang solusyon ang kanilang mga hinaing at reklamo.

Are you familiar with this company/business/organization?

            Hindi ko pa masyadong kilala ang “Hapag-Kainan sa Gitna ng Parang” maliban sa ito ay isang kumpanyang naghahain ng mga lutong-Pilipino sa gitna ng parang o bukirin. Gayunman, napansin ko ang unti-unti nitong pagsulong dahil sa mga sangay na nakikita na sa iba’t ibang panig ng Metro Manila. Ang pag-unlad nito ang naging dahilan upang ipasya kong mag-aplay at maging bahagi ng kumpanya.

How did you learn about this company/business/organization?

            Nalaman ko ang tungkol sa inyong kumpanya mula sa isa ninyong chef na dating nagtrabaho sa aming nagsarang kumpanya. Dahil sa magagandang impormasyon at feedback na aking narinig sa kanya, lalo akong naging interesadong mag-aplay.

Why do you want this job?

            Kailangan ko ang trabahong ito una dahil kailangan kong tustusan ang pangangailangan ng aking pamilya lalo na ngayong pandemya. Ikalawa, alam kong susulong pa ang aking career at magkakaroon ng mga kasanayan sa inyng kumpanya. Ikatlo, batid kong maibabahagi ko ang aking kaalaman at kasanayan sa trabahong ito.

What are your strengths and weaknesses?

            Tulad nang nasabi ko na, magaling akong makipag-usap sa mga parukyano gayundin sa mga pinuno at kawani ng kumpanya. Masipag ako at marunong makisama sa iba’t ibang uri ng tao. Ang kahinaan ko ay masyado akong dibdiban sa pagtatrabaho kung kaya’t pagkaminsan ay nalilipasan na ako ng gutom.

Why should we hire you?

            Maliban sa angkop ako sa trabaho dahil sa angkin kong kaalaman, kasanayan, at karanasan, batid ko sa aking sarili na magiging asset ako ng inyong kumpanya sa ilalim ng inyong pagpapatnubay sanhi upang ako ay inyong tanggapin. Dahil sa aking pagiging tapat at dedikado sa trabaho at propesyon, makatutulong ako upang lalo pang umunlad at makilala ang “Hapag-Kainan sa Gitna ng Parang.”

What are the questions about the job or the organization that you may ask?

            Nais kong malaman ang ilan sa mga benepisyong tinatanggap ng inyong mga kawani at ang inyong mga polisiya tungkol sa promosyon at retirement upang maiayon ko ang aking pagtatrabaho at mga plano sa buhay. Nais ko ring mabatid ang mga pinuno ng kumpanya upang lubos ko silang makilala at maging inspirasyon ang kanilang naging buhay-buhay at gawin kong halimbawa.

Reflect on how you did in the exercise. Make a note of what went well, what can be better and how to improve them in the space below. Feel free to go back and revise the answers to the questions if needed.

            Magbalik-tanaw sa iyong ginawa sa pagsasanay. Isulat sa espasyo sa ibaba ang mga bagay na naging maayos, ano ang dapat pang pagbutihin, at kung paano maisasaayos ang mga ito. Kung kinakailangan, malaya kang rebisahin o baguhin ang iyong naging sagot.

            Naging maayos naman ang takbo ng panayam. Ang dapat lang baguhin ay ang pagiging handa at pangangalap ng marami pang impormasyon hinggil sa kumpanyang papasukan.   

Think about it!

Ask a family member or a friend to be a practice partner for the job interview. If you are doing the practice interview face to face or via video call, you should dress-up accordingly to truly depict an actual job interview.

            Hilingin sa isang miyembro ng pamilya o isang kaibigan bilang practice partner para sa isang job interview. Kung ang gagawing panayam ay face to face o sa pamamagitan ng video call, kailangang angkop ang iyong pananamit upang maipakita ang isang tunay na panayam sa trabaho.

Reflect on how you did in the second round of interview with a family member or a friend as the interviewer. Make a note of the key learnings and useful feedback.

            Magbalik-tanaw kung ano ang nangyari sa iyong ikalawang panayam kung saan  isang kapamilya o kaibigan ang naging interviewer. Isulat ang mahahalagang natutunan at mga kapakipakinabang na puna o feedback.

            Sa aking naging ikalawang practice interview, mas higit akong naging kampante bilang isang aplikante. Maayos kong nasagot ang mga katanungan ng aking Ate Isabel na siyang tumayong interviewer. Dahil dito ay nagkaroon ako ng kumpiyansa sa sarili. Napag-alaman ko na mas magiging kalma sa pagsagot ang isang aplikante kung napaghahandaan ang isang panayam sa pamamagitan ng isang praktis. Isa pa, nabibigyan pa ako ng aking Ate nang mga tips kung paano sagutin ang isang tanong at ng tamang pagbigkas ng mga sarili at grammar. Kailangan din sa isang panayam na iwasan ang paligoy-ligoy at maging direkta sa pagsagot. Makatutulong din ang pagiging tapat sa pagsagot sa mga tanong na wala kang kaalam-alam o impormasyon. Dapat lamang na ibigay mo ang rason para rito.

Let’s Apply!

Ask a professional in your community whom you know well whether they can give you a mock interview. You might need to ask a few people before you can find someone who is available. If you are doing the mock interview face to face or via video call, you should dress-up accordingly to truly depict an actual job interview.

            Hilingin mo sa isang kakilalang propesyonal sa inyong lugar kung maaari kang bigyan ng isang mock interview. Maaari kang kumausap ng ilang tao bago ka makahanap ng isang taong may oras para rito. Kung ang gagawing kunwaring panayam ay face to face o sa pamamagitan ng video call, kailangang angkop ang iyong pananamit upang maipakita ang isang tunay na panayam sa trabaho. 

Reflect on how you did in the third round of interviews. Make a note of the key learnings and useful feedback.

            Magbalik-tanaw kung ano ang nangyari sa iyong ikatlong panayam. Isulat ang mahahalagang natutunan at mga kapakipakinabang na puna o feedback.

            Isang face to face interview ang naganap sa pagitan ko at ng aming kapitbahay na English teacher. Ito ay naganap noong Linggo ng hapon kung kailan siya ay available. Bago naganap ang aming kunwaring panayam, tinawagan ko muna siya at sinabi ko ang aking pakay. Pinagbigyan naman niya ang aking hiling at itinakda nga ang aming mock interview.

            Pinaghandaan ko ang interbyung iyon. Nagsuot ako ng long-sleeves polo shirt, itim na pantalon, at balat na sapatos na animo ay talagang sasabak ako sa isang tunay na job interview. Nag-umpisa ang panayam sa palitan ng batian sa isa’t isa.

            Nasagot ko naman nang mahusay ang mga tanong ng guro. Mas kampante ako at lubos ang kumpiyansa sa sarili sa pagkakataong ito. Nakatulong ang pagbabasa ko ng modyul tungkol kung paano ang aking dapat ikilos at gawin sa pagkakataong iyon. Malaki ring tulong ang paghahanda ng mga sagot sa posibleng mga tanong na maaaring itanong ng interviewer.

            Sa huling bahagi ng interbyu ay nagpasalamat ako sa kakilalang guro. Binigyan ko rin siya ng isang chocolate bilang pasasalamat sa pagbibigay niya ng oras sa akin.

            Bago umalis ay hiniling ko sa kanya na magbigay ng puna o feedback tungkol sa naganap na interview. Matapat naman siyang nagbibigay ng kanyang obserbasyon. Sabi niya ay huwag kong masyadong ilalayo ang aking mata habang nakikipag-usap. Dapat daw ay lumabas lang na kaswal ang pag-uusap at huwag ipahalatang sinaulo ang mga sagot. Pag-aralan ko raw ang maging mas kalmado pa upang maging tuloy-tuloy ang daloy ng aking pagsasalita. Pinahiram din niya ako ng libro tungkol sa English grammar upang mapabuti ko pa ang aking pagsagot at pagsasalita. Muli akong nagpasalamat sa kanya.

GUIDES on ANSWERING Activity 1 & 2 of ALS Life Skills Module 4 - Work Habits & Conduct

 Module 4 - Work Habits and Conduct

SESSION 1: LOOKING FOR JOB OPPORTUNITIES

Activity 1: Introductory Activity

I. Let us begin by jogging our memory. Make a list of concepts or ideas that you learned from the previous module in the space below. Please spend no more than 5 minutes.

(Magsulat ng mga konsepto at ideya na natutunan mo sa nakaraang Module 3: Leadership and Teamwork)

Halimbawa:

1.Kahit may pagkakapareho ang ating paniniwala sa ibang tao, tayo ay kakaiba pa rin sa kanila.

2. Hindi kailangang maging sikat ang isang tao para maging pinuno.

3. May apat na klase ng pamumuno – awtoritaryan, nanghihikayat, sumasangguni, at nakikilahok.

4. Bilang isang lider, mahalaga ang makikipagtalastasan nang mahusay at magtaguyod ng pagkakaisa sa mga kasapi.

5. Mainam na nagkakasundo ang bawa’t kasapi sa kanilang layunin upang mas madali itong makamtan. 

II. In Module 4 you will learn about finding and keeping a job. Think about the proverb found at the beginning of the module:

“Ang magandang buhay ay makakamtan sa pamamagitan ng husay sa trabaho at sakripisyo” (The good life is to be earned with hard work and sacrifice).

What is the meaning? (Ano ang kahulugan ng salawikain?)

Ang salawikain ay nangangahulugan na hindi madaling makamtan ang ating ambisyon o magandang buhay. Ito ay nangangailangan ng sakripisyo  at husay sa pagtatrabaho sa mahabang panahon.

What do you think the proverb says about finding and keeping a job? (Ano sa iyong palagay ang sinasabi ng salawikain tungkol sa paghahanap at pananatili sa trabaho?)

Hindi madali o biro-biro lang ang makahanap at manatili sa trabaho.  Mangangailangan ka ng husay at maraming sakripisyo.

III. Think of a time in your life when you worked hard for something. Write down the story here (you can also write about someone you know). (Isulat ang isang karanasan kung saan naghirap ka nang husto upang makamtan ang isang bagay. Maaari ring ikuwento ang naging karanasan ng pagpupunyagi ng iyong kakilala.)

            Ang isang karanasan na naaalala ko kung saan kailangan kong maghirap nang husto ay aking pag-aaral sa kolehiyo. Ito ay dahil hindi lang katawan mo ang nahihirapan kundi maging ang iyong isip. Kung minsan ay nalilipasan ka na ng gutom matapos mo lang ang iyong proyekto. Naroong mapuyat ka sa pagrereview para sa mga pagsusulit. Minsan, kailangan mong pagbabad sa aklatan dahil wala kang pambili ng mga librong kailangan. Gayunman sa aking sakripisyo at pagpupunyagi, nakamit ko rin ang inaasam kong diploma na naging tulay ko upang makamit ang iba ko pang mga pangarap sa buhay.

What steps did you take to find a job? What went well? What didn’t? (Anong mga hakbang ang iyong ginawa upang makahanap ng trabaho? Ano ang naging nainam? Ano ang palpak?)

            Sa paghahanap ng trabaho,ang  ilan sa mga hakbang na nasubukan ko ay ang mga sumusunod:

1. Pagtatanong sa mga kapamilya, kaibigan, at kakilala

2. Pagbili ng pahayagan at pagtingin sa mga anunsyo

3. Pagdalo sa mga employment o job bazaar

4. Pagpunta at pagbabasa ng mga job announcements sa munisipyo

5. Panonood ng TV

6. Pag-iinternet

            Naging mas maganda ang magtanong sa mga kapamilya, kaibigan, at kakilala dahil makakalap ka ng dagdag na impormasyon tungkol sa trabaho at kumpanya.

            Mahirap ang pagdalo sa mga job bazaar dahil masyadong maraming tao at mahaba ang pila. Hindi ka rin makapaghanda nang husto sa dagliang panayam.

            Suntok din sa buwan ang pagsagot sa isang anunsyo sa pahayagan dahil kung magkaminsan ay hindi sumasagot ang pinadalhan mo ng aplikasyon kung natanggap nga nila ito o hindi o kung mayroon nang tinanggap na aplikante. 

IV. Write: When you have a job, what do you think are the most important behaviors and attitudes to remember at the workplace? (Noong  mayroon kang trabaho, ano sa palagay mo ang mga mahahalagang pag-uugali at asal na dapat alalahanin sa lugar ng pinagtatrabahuhan?)

Mga Dapat Tandaan na Pag-uugali at Asal sa Lugar na Pnagtatrabahuhan:

1. Maging maaga sa pagpasok

2. Magsuot ng akmang kasuotan

3.  Pamahalaan nang tama ang oras sa pagtatrabaho

4. Makipag-usap sa mga katrabaho at superbisor sa paraang positibo at may respeto.

5. Maging bukas sa mga puna, positibo man o negatibo, mula sa mga namumuno o katrabaho

6. Maging tapat sa lahat ng pagkakataon

7. Makiisa at maging bahagi ng isang grupo

8. Respetuhin ang gawain ng iba

Activity 2: Preparing a Bio-data and Application Letter

Have you ever written a bio-data or an application letter? Share your experience in the space below. (e.g. How did you find the experience? What was hard? What was easy?) Leave the space blank if you have never written any of these.

        Nakasulat ka na ba ng isang bio-data o liham sa pag-aaplay ng trabahao? Ibahagi ang iyong karanasan sa nakalaang espasyo sa ibaba. (Halimbawa: Ano ang iyong naging karanasan? Ano ang mahirap? Ano ang madali lamang?) Hayaang blanko ang espasyo kung hindi ka pa nakagagawa ng alinman sa mga ito.

        Nakaranas na akong gumawa ng isang bio-data at liham sa pag-aaplay ng trabaho noong ako ay labinsiyam na taong gulang. Ito ay sagot sa isang anunsyo sa pamosong kainan. Mas madali ang sumulat ng isang bio-data kaysa sa application letter dahil puro pampersonal na mga bagay-bagay lamang ang nilalaman ng bio-data samantalang kailangan mo pang pag-isipan nang mabuti ang nilalaman ng iyong liham. Nahirapan akong sumulat ng liham sa pag-aaplay sa trabaho dahil hindi ako ganoon kagaling sumulat sa wikang English. Pagkasulat ko ng aking liham, pinabasa at pinaayos ko iyon sa aking naging guro sa English na aming kapitbahay. Dahil sa kanyang tulong, naging maayos ang aking liham. Sa palagay ko ay isa iyon kung bakit ako natanggap sa trabaho.

Review the samples of bio-data and application letter provided in the next pages and answer the following questions: 

        Rebisahin ang mga halimbawa ng bio-data at liham sa pag-aaplay ng trabaho sa mga susunod na pahina at sagutin ang mga sumusunod na tanong:

 

What type of information do you find in a bio-data?           Anong klaseng impormasyon ang makikita sa isang bio-data?	Ang isang bio-data ay naglalaman ng: Impormasyon/Mga bagay-bagay hinggil sa sarili Buod ng mga kasanayan at kaalaman Karanasan sa trabaho Edukasyon Mga taong maaaring sanggunian ng iyong pagkatao
What type of information do you find in the application letter?           Anong klaseng impormasyon ang makikita sa isang liham sa pag-aaplay ng trabaho?	Ang isang liham sa pag-aaplay ay naglalaman ng: Impormasyon ng kumpanyang papasukan Layunin ng liham Buod ng kasanayan at kaalaman na mga kaugnayan sa posisyong inaplayan Paghiling at pagiging handa sa isang panayam
What are the differences between a bio-data and application letter?           Anu-ano ang kaibahan ng bio-data at liham sa pag-aaplay ng trabaho?	Ang bio-data ay mahaba at detalyado kaysa sa liham sa pag-aaplay. Ang bio-data ay mas madaling gawin kaysa sa liham ng pag-aaplay. Ang bio-data ay simple lamang na dokumento tungkol sa sarili subali’t ang liham ng pag-aaplay ay may layuning hikayatin ang bumabasa na basahin ang iyong bio-data.

Let’s Apply!

You will now prepare your own bio-data using the form below. Make sure you follow the writing tips discussed earlier.

         Gagawa ka na ng iyong sariling bio-data gamit ang porma sa ibaba. Siguraduhing sundin ang mga tips sa pagsulat ng liham sa pag-aaplay na ipinaliwanag na.

 

 Halimbawa

                                     BIO-DATA

Position Desired         :   Customer Service Supervisor         

Date:                           :   October 24, 2020

Name                          :   Juan Santos Dela Cruz                   

Gender:                       :   Male

City Address               :   123 Roces Blvd., Santa Ignacia, Quezon City  1008 

                                            Metro Manila

Provincial Address     :   Barangay Bugaong, Tiaong, Quezon 4325

Telephone                  :   (02) 899 2457                                  

Cellphone                   :   0919 765 4532

E-mail Address           :   juan2three@gmail.com

Date of Birth               :   Jan. 1, 1990                                     

Place of Birth              :   Tiaong, Quezon

Civil Status                  :   Married                                          

Citizenship                  :   Filipino

Height:                         :   165 cm.                                           

Weight                         :   63 kilos

Religion                       :   Roman Catholic

Spouse                         :   Juana Reyes Dela Cruz                   

Occupation                  :   Sari-sari store owner

Name of Children       :   Jose Reyes Dela Cruz                      

Date of Birth               :   Dec. 4, 2014

                                    :   Aida Reyes Dela Cruz                                                  

Date of Birth               :   May 23, 2017

Father’s Name            :   Pedro Silva Dela Cruz                     

Occupation                 :   Postman

Mother’s Name          :   Maria Santos-Dela Cruz               

Occupation                 :   Teacher

Language or dialect spoken and written          :           Filipino & Bicolano

Person to be contacted in case of emergency  :           Juana Reyes Dela Cruz

His or her address and telephone                     :           0929 789 5674

Elementary                 :   Tiaong Central School                                

Year Graduated          :   2003

High School                :   Claro M. Recto National High School       

Year Graduated          :   2007

College                       :   STI – Caloocan City                                    

Year Graduated            :   2009

Degree Received         :   Diploma in Customer Relationship

Special Skills               :   Good communication & customer service, 

                                          patient, hardworking

    

    Company Name         :   McBee Food Corporation

    Position                      :   Customer Service Crew                              

    From                           :  Jun 2009  To:  Dec 2009

    Company Name         :   Don Pedro’s Catering Services

    Position                      :   Catering Supervisor                                    

    From                           :  Jan 2009 To:  Sep 2020

        

 Name                          :   Mr. Timburcio Bartolome              

 Company                     :  McBee Food Corp.

 Position                      :   Branch Manager                             

 Contact No.                  :    0920 023 8765

  Name                          :   Mrs. Adelaida Sandoval                 

  Company                     :  Don Pedro’s Catering

  Position                      :   F & B Manager                               

  Contact No.                :    0908 968 5423

  Res. Cert. No              :   CCI2020 12345678

  Issued at                     :   Quezon City

  Issued on                    :   January 18, 2020

  SSS                             :   02 – 8664589 - 2

 TIN                              :   325  566  798  000

 NBI No.                       :   13440087

  Passport No.               :    P3422522A                                                     

         I hereby certify that the above information is true and correct to the best of my knowledge and belief. I also understand that any misinterpretation will be considered reason for withdrawal of an offer or subsequent dismissal if employed.

           Signature

Applicant’s Signature

Let’s Apply!

Now you will get to develop your own letter, using the writing space below. You can also write your letter with a computer. You can assume a scenario of a job opening that you would like to apply for, based on your experience. It can also be an application letter to a current job opening you are interested in.

        Sa ngayon, kailangan mo nang sumulat ang sarili mong liham sa pag-aapaly, gamit ang espasyo sa ibaba. Maaari ka ring gumawa ng iyong liham gamit ang kompyuter. Maaari kang magkunwari na ikaw ay mag-aaplay sa isang trabaho na nais mong aplayan, base sa iyong karanasan. Maaari rin itong liham sa pag-aaplay sa isang tunay na trabahong nais mong aplayan.

Note the details of the job that you are applying for below. (Isulat sa ibaba ang mga detalye ng trabahong nais mong aplayan). 

Customer Service Supervisor

5 taon o higit pang karanasang pagsisilbi sa mga parukyano

Mainam sa pakikipagtalastasan

May mga katangian bilang pinuno

May kaalaman sa paggamit ng kompyuter

Marunong gumamit ng MS Word at Excel

SAMPLE: Application Letter

October 25, 2020

 

G. Policarpio Villadolid

Hapag-Kainan sa Gitna ng Parang

Malinaw na Batis, Parang

Lungsod ng Marikina

 

Ginoong Villadolid:

Nasabi ng aking kaibigang nagtatrabaho sa inyong kumpanya na kayo ay nangangailangan ng mga kawani sa inyong bubuksang bagong sangay sa Lungsod ng Pasig. Mangyaring sumulat ako upang mapabilang bilang aplikante sa posisyong Customer Service Supervisor.

Nag-aral ako ng Customer Relationship sa STI – Caloocan at nagtapos na kabilang sa limang may pinakamatataas na marka. Upang mahasa ang aking kaalaman sa pagbibigay serbisyo sa mga parukyano , dumalo ako sa iba’t ibang pagsasanay, simposium, at talakayan. Kalakip nito ang aking mga sertipiko at pagkilalang tinanggap. 

Naniniwala akong napunan ko ang inyong pangangailangan sa posisyong inaaplayan dahil taglay ko ang mga katangiang hinahanap. Maliban sa aking edukasyon at kasanayang nabanggit, marunong din akong makaipag-usap nang maayos sa aking mga kasamahan lalo’t higit sa mga kustomer. Dagdag pa rito, marunong akong gumamit ng kompyuter at ng mga Microsoft softwares tulad ng Excel, Word, PowerPoint, at Outlook. Marunong din akong gumawa at magpadala ng mga email.

Lampas sampung taon akong nagtrabaho bilang Catering Supervisor subali’t dahil sa pandemya ay nagsara ang aming kumpanya matapos dapuan ng sakit at mamatay ang may-ari. Ang mahaba kong serbisyo sa iisang kumpanya ay nagpapatunay lamang ng aking pagiging matapat at dedikadong empleyado.

Kalakip ng liham na ito ang aking bio-data para sa inyong masusing pagkilatis. Ako po ay handa sa isang panayam na inyong itatalaga.

 

Lubos na gumagalang,

     Signature

Jose Dela Cruz

   Aplikante

Sharing is caring

Review your bio-data and your application letter carefully one more time before sharing them with three people. These can be your family members, your friends or professionals in your community whom you know well for comments and feedback on any improvement you can make. Summarize their comments here.

        Maingat na suriing muli ang iyong bio-data at liham sa pag-aaplay ng trabaho bago ang mga ito ay ibahagi sa tatlong tao. Ang mga ito ay maaaring miyembro ng iyong pamilya, mga kaibigan, o mga propesyonal sa iyong pamayanan na kilala mo para sa mga komento at puna upang mapabuti pa ang iyong ginawa. Ibigay ang buod ng mga komento dito.

 

Reviewer	Feedback on the Bio-data	Feedback on the Application Letter
Juana Dela Cruz (Ate)	Malinis at Kumpleto	Direkta sa punto
Romeo Macaspac (Matalik na kaibigan)	Malinaw	Nakapanghihikayat
Tessie Lagmay (Guro)	Mainam ang pagkakasulat	Simple subali’t nakalulugod basahin; natugunan ang pangangailangan ng trabaho

ALS PRACTICE TEST ON MODULE 1 - PERSONAL DEVELOPMENT & MODULE 2 - INTERPERSONAL COMMUNICATION

 Learning Strand 5 – Understanding the Self and Society

Panuto: Piliin ang titik ng tamang sagot.

1. Alin sa mga sumusunod ang MALI?

A. Magkakaiba ang paraan ng pagkatuto ng bagong bagay ng bawa’t isa.

B. Kung hindi ka natututo sa ibang paraan, dapat mo itong iwasan hangga’t maaari.

C. Mapapaunlad mo ang iyong sarili kung kikilalanin mo ang iyong mga paniniwala at kakayahan.

D. Ang isang mithiin o layunin ay dapat na makatotohanan.

2. Paano maipapakita ni Juan ang kanyang kakayahan?

A. Sa pagsasauli ng mga bagay na hindi kanya

B. Sa pagbibigay tulong sa mga nangangailangan

C. Sa paglahok sa mga patimpalak sa awitan o sayawan

D. Sa pagsasabi ng “po” at “opo” sa mga nakatatanda

3. Alin sa mga sumusunod ang malinaw na pansariling layunin?

A. Nais kong makatapos ng pagkaguro.

B. Nais kong makatapos ng pagkaguro sa Unibersidad ng Cebu.

C. Nais kong mag-aral sa Unibersidad ng Cebu sa susunod na apat na taon.

D. Nais kong makatapos ng pagkaguro sa Unibersidad ng Cebu sa susunod na apat na taon.

4. Ang mga panininiwala at kakayahan ay magkaiba.

A. Oo

B. Hindi

C. Kung magkaminsan

D. Depende sa sitwasyon

5. Madaling matuto si Madelyn ng mga bagong bagay kapag pinapanood niya ito. Alin ang bagay sa kanya?

A. Bumili ng aklat ng mga putahe

B. Obserbahan ang ama habang nagluluto ng batute

C. Magluto ng adobong manok habang pinakikinggan ang ina

D. Tanungin ang lola kung paano magluto ng leche flan

6. Makikita ang iyong mga paniniwala sa iyong mga _______.

I. kuro-kuro

II. hilig

III. pinagkakaabalahan

IV. pasya

A. I at II

B. II at III

C. I, II, at III

D. I, II, III, at IV

7. Alin sa mga sumusunod ang TAMA?

A. Ilihim ang iyong paraan ng pagkatuto para hindi pagtawanan.

B. Ilihim ang iyong paraan ng pagkatuto upang hind magaya ng iba.

C. Ibahagi ang iyong paraan ng pagkatuto upang matulungan ka. 

D. Ibahagi ang iyong paraan ng pagkatuto upang makatulong ka.

8. Ano ang tamang pagkakasunod ng mga hakbang upang makamit ang isang layunin?

I. Gumawa ng plano

II. Kamtin ang layunin

III. Magtakda ng layunin

IV. Sundin ang plano

A. III, I, IV, at II

B. I, IV, III, at II

C. III, II, I, at IV

D. II, III, I, at IV

9. Alin ang halimbawa ng isang panandaliang layunin?

A. Makatapos ng pag-aaral at magtrabaho sa ibayong dagat sa loob ng anim na taon.

B. Makapagsuot ng toga sa araw ng pagtatapos sa high school sa loob ng dalawang taon.

C. Mabasa, maunawaan, masagot at maipasa ang Modyul 1 sa guro sa Biyernes ng hapon.

D. Makapamasyal sa Luneta kapag tapos na ang pandemya.

10. Upang maging mabuti at tanggap na kasapi ng isang pamayanan, ang paniniwala nito ay dapat ____.

A. sundin

B. linangin

C. respetuhin

D. punahin

11. Ano ang dapat gawin upang maibsan ang galit ng isang parukyano?

A. Balewalain ang kanyang sinasabi

B. Huwag siyang pakinggan

C. Huwag sagutin ang kanyang paratang

D. Tumahimik habang siya ay nagsasalita

12. Habang may nagsasalita sa iyong harapan, ________ sa kanyang sinasabi.

A. umiling kapag hindi ka sang-ayon 

B. pumalakpak upang ipakitang sang-ayon ka 

C. magtaas ng kamay upang tanungin siya 

D. pakinggan at hayaang matapos siya 

13. Kapag hindi mo naunawaan ang sinabi ng iyong superbisor, _______.

A. humingi ka ng paliwanag 

B. sundin ang iyong akala

C. tanungin ang kasamahan

D. wala kang dapat gawin

14. Paano mo maipakikita na kabagot-bagot ang sinasabi ng isang nagtatalumpati?

I. Laging pagtingin sa relo sa bisig

II. Paghihikab

III. Pagpikit ng mga mata

IV. Pagtango-tango

A. I at III

B.  II at III

C. I, II, at III

D. II at IV

15. Paano mo maipapakita ang malugod na pagtanggap sa isang kustomer?

A. Ulitin ang kanyang sinasabi o hinihingi

B. Batiin siya sa kanyang pagdating

C. Banggitin ang kanyang pangalan sa inyong pag-uusap

D. Ipakita ang iyong pag-aalala

16. Anu-ano ang taglay na katangian ng isang epektibong pagsasalita?

I. Nagsasalita nang malakas at malinaw

II. Nagpapaligoy-ligoy

III. May kamalayan sa ipinahihiwatig ng kanyang katawan at ng mga nakikinig

IV. Nagsasalita ng may kumpiyansa sa sarili at kagaspangan

A. I at III

B. II at IV

C. I, III, at IV

D. I at IV

17. Alin ang HINDI halimbawa ng komunikasyong electronic sa isang kumpanya?

A. Pagpapadala ng mensahe gamit ang cell phone

B. Pagpapaskel ng abiso sa bulletin board 

C. Pakikipag-usap sa telepono

D. Pagsusulat ng email

18. Alin sa mga sumusunod ang nagpapakita ng tamang serbisyo sa isang parukyano?

A. Balewalain ang kanilang mga reklamo

B. Sundin ang kanilang bawa’t naisin.

C. Sagutin ang kanilang mga katanungan

D. Maging magiliw sa nagbibigay ng tip

19. Ang isang aktibong manggagawa sa isang kumpanya ay _______ sa isang talakayan.

A. nagsasalita

B. nakikinig

C. sumusunod

D. nakikilahok

20. Kapag may kausap na makulit/mapilit na parukyano, mabuting ________.

A. manatiling kalmado

B. huwag na lang siyang pansinin

C. pakiusapan siyang umalis na lang

D. tawagin ang guwardiya

MGA SAGOT

GUIDES on ANSWERING Activity 7, 8, & 9 of ALS Life Skills Module 3 - Leadership & Teamwork

 SESSION 4: TASK LEADERSHIP

Activity 7: Leadership Challenge

Think about it!

This section encourages you to express your opinions to family and friends about this activity.

It’s always great to share your ideas and hear more points of view. (Hinihimok ng seksyong ito na isiwalat mo sa iyong pamilya at mga kaibigan ang iyong mga saloobin/opinyon ukol sa gawaing ito.)

 Sagutin lamang ang mga tanong kapag natapos nang gawin ang Task 1 (Paggawa ng Banner) at Task 2 (Pagguhit bilang isang lider at isang tagasunod.)

Sample Banner

Task 1: My Team

 

1. On a scale of 1 to 10, 1 being poor and 10 being excellent, how many points will you give for your banner? Why?

            Sa sukatang 1 hanggang 10, 1 bilang hindi magaling at 10 bilang napakahusay, ilang puntos ang ibibigay mo sa inyong banner? Bakit?

 

            Bibigyan ko ng 8 puntos ang ginawa naming banner dahil ito ay kumpleto sa hinihingi ng tuntunin. Isa pa, ang aming banner ay simple at maaliwalas pagmamasdan. Dagdag pa rito, maganda ang aming islogan bukod pa sa nakiisa ang lahat ng kasapi upang ito ay mabuo.

 

 

2. Show your banner to a family member and ask him/her to give feedback on your banner: (Ipakita ang inyong banner sa isang miyembro ng pamilya at hingin ang kanyang masasabi rito.)

 

                        a. One to two things he/she likes about your banner: (Isa o dalawang bagay na nagustuhan niya sa inyong banner.)

                        1. Ang punla na may 8 dahon kung saan nakasulat ang mga pangalan ng kasapi ay nangangahulugan na nagkakaisa ang grupo.

                        2. Maaliwalas, simple, at malinis ang pagkakagawa ng banner.

 

                        b. One to two things that you need to improve in your banner: (Isa o dalawang bagay na kailangang pagbutihin pa sa inyong banner.)

                        1. Patingkarin o buuin ang kulay ng mga dahon.

                        2. Lagyan pa ng imahe ang banner.

 

3. In this activity, you were asked to draw the banner by yourself. If you were in a real youth camp with real team members, what do you think would be the best way to accomplish the task?

            Sa gawaing ito, inutusan kayong gumawa ng sarili ninyong banner. Kung ikaw ay nasa talagang youth camp na may mga kasamahan, ano sa palagay mo ang pinakamainam na paraan upang matapos ang gawain?

            Sa aking palagay, magiging maganda ang aming banner kung gagawa muna ng kaniya-kaniyang banner ang bawa’t kasapi at pag-isahin ang mga ideyang iyon upang matanggap ng lahat.

 

4. What did you learn about being a leader in this activity? (Ano ang natutunan mo ukol sa pagiging lider ng gawaing ito?)

            Bilang lider, natutunan ko ang maging kalmado. Natutunan ko rin na mahalaga ang komunikasyon upang maunawaan ng bawa’t isa ang aming gagawin, mahingan sila ng kuro-kuro at ideya, at maiatang ang angkop na papel na gagampanan.

Task 2: Draw As I Say

 

1.               How did it feel to be the leader giving instructions? (Ano ang pakiramdam ng pagiging pinuno na tagabigay ng instruksyon/direksyon?

            Pangamba ang aking naramdaman bilang pinuno na nagbibigay ng tuntunin. Ito ay dahil natatakot ako na baka hindi ako lubusang maunawaan ng tagasunod ang aking sinasabi at maging masyadong malayo ang kanya maiguhit kumpara sa nagawa ko.

 

2.               How did it feel to follow another person? (Ano ang pakiramdam kapag sinusunod mo ang isang tao?)

            Nang maging tagasunod, kinakabahan din ako dahil baka hindi ko maiguhit ang sinasabi ng lider, lalo na at hindi maaaring magtanong.

 

3.               Do you consider yourself a good follower? Why? (Pinapalagay mo bang mabuti kang tagasunod? Bakit?)

            Sa palagay ko ay mabuti akong tagasunod dahil pinakikinggan at sinusunod ko ang sinasabi ng lider. Isa pa, nakikiisa at tumutulong ako upang makamit ang aming layunin o matapos ang isang gawain. Inuunawa at nirerespeto ko ang ideya, saloobin, at kuro-kuro ng mga kasapi sa grupo.

 

4.               What are the traits of a good follower? (Anu-ano ang mga katangian ng mabuting tagasunod?)

            a. Nakikinig sa sinasabi ng lider at mga kasapi.

            b. Nakikiisa at nakikipagtulungan pang maabot ang layunin o matapos ang gawain ng grupo.

            c. Nagbabahagi ng kaalaman, kasanayan, at katangian sa grupo.

            d. Rumerespeto sa ibang kuro-kuro at opinyon.

            e. Sinusunod ang napagkasunduan.

Activity 8: Leadership in Real Workplaces

Date:	Ika – 18 ng Oktubre, 2020
Company Name:	Santos Trading Establishment
Manager Name:	G. Policarpio Santos
Manager’s Title:	Administration Manager
Questions for the Manager
1.            Tell me a little bit about your role as a manager. What are your responsibilities?	1. Gumagawa, nagpapatupad, at sinisiguro na ang mga batas, tuntunin, at pamantayan ng kumpanya ay nasusunod. 2.  Nangangalap, kinakapanayam, at kumukuha ng karapatdapat na manggagawa at empleyado sa kumpanya.
2.            How did you become a manager?	Naging manager ako dahil sa aking mataas na pinag-aralan, matagal na serbisyo, at pagiging huwarang empleyado ng kumpanya. Taglay ko rin ang mga katangian ng isang mabuting lider base sa aking karanasan at pakikisalamuha sa iba’t ibang uri ng tao.
3.            How did you develop your leadership skills?	Ang mga kasanayan at kaalaman ko sa pagiging mabuting pinuno ay natutunan ko sa pamamagitan ng pagiging tagasunod din noong una. Nagbasa ako ng libro at dumalo sa mga seminar hinggil sa mabuting pamumuno, pakikipagtalastasan, at pakikinig. Ang malaking bahagi ay natutunan ko sa pang-araw-araw na karanasan sa loob at labas ng kumpanya.
4.            What skills do you use to manage your team?	Bilang manager, tumatanggap ako ng kritisimo at puna mula sa aking nasasakupan. Hinihingan ko ng mga panukala ang mga empleyado at puna sa alinmang tuntunin na aking isasagawa o naisagawa na.
5.            What is your style as a leader?	Ang apat na klase ng pagiging pinuno ay nagawa ko na. Ito ay nakadepende sa sitwasyon. Halimbawa, kung masyadong gahol na sa oras, nanghihikayat (persuading) ako upang isakatuparan na ang aking desisyon.
6.            As a leader, how do you deal with challenges?	Bilang lider, ang mga hamon at mga problemang kinakaharap ay itinuturing kong isang bahagi lang ng aking pag-aaral. Naniniwala kasi ako na ang bawa’t suliranin ay may katapat na solusyon kung uunawain lamang at bibigyan ng sapat na atensyon.
7.            How do you help your team solve task-related problems?	Upang matulungan ang aking nasasakupan sa paglutas ng mga problema na may kinalaman sa isang gawain, binibigyan ko sila ng malinaw at madaling maunawaang layunin at direksyong tatahakin. Ipinauunawa ko sa kanila ang kahalagahan ng pag-uusap, pakikiisa, at pagtutulungan.
8.            How do you help your employees improve their quality of work?	Upang matulungan ang mga empleyado na mapabuti ang kalidad ng kanilang trabaho, nagkakaroon ng regular na miting at pagsasanay ang mga trabahador. Bukod pa rito, pinadadalo sila sa mga seminar, exhibits, at pagbisita sa mga mas progresibong kumpanya. Ang ilan ay pinadadala sa ibang bansa upang magsanay at mag-aral ng makabagong teknolohiya at proseso.
9.            What is the most important thing you have learned as a leader?	Bilang lider, ang pinakamahalaga kong natutunan ay nasa mabuting pagsunod ang ikagagaling ng isang pinuno.
10.         Can I contact you in the future? If yes, get their contact information.	Oo, maaari mo akong puntahan, bisitahin, at tawagan sa hinaharap. Narito ang aking detalye: 14 Panay St., Quezon City. Tel. No. 09123456789