GUIDES & SAMPLE ANSWERS of Activity 7 of ALS Life Skills Module 4 - Work Habits & Conduct

SESSION 2: APPROPRIATE WORKPLACE BEHAVIORS AND ATTITUDES

Activity 7: Time Management

Reflect on your own experience in time management. How do you manage time at work? How do you manage time at home? Note your experience in the space below. (Magbalik-tanaw sa iyong karanasan hinggil sa iyong pangangasiwa sa oras. Paano mo pinapamahalaan/pinapangasiwaan ang oras mo sa trabaho? Paano mo pinapamahalaan/pinapangasiwaan ang oras mo sa bahay? Itala ang iyong karanasan sa espasyo sa ibaba.)

            Pinangangasiwaan ko ang oras ko sa trabaho sa pamamagitan ng paggawa ng isang plano upang matapos ko ang mga gawaing nakaatang at dapat kong gawin sa araw o linggong iyon. Inuuna kong tapusin ang mga ulat na may dedlayn o dapat tapusin at isumite sa itinakdang oras. Hindi ko rin ipinagpapaliban pa ang mga gawaing kaya kong tapusin ng panahong iyon. Isa pa sa aking istratehiya ang pag-iwas sa mga nakagagambalang sitwasyon tulad ng pagtawag sa telepono kung hindi kinakailangan at pag-iinternet na hindi kasama sa trabaho.

            Tulad sa trabaho, pinangangasiwaan ko ang aking oras sa bahay sa pamamagitan ng isang plano. Itatala ko ang mga mahahalagang gawaing dapat kong tapusin ng araw o linggong iyon. Pinagtutuunan ko nang husto ang iskedyul na iyon upang hindi ako magahol sa oras. Hindi ko ipinagpapaliban ang mga gawaing kaya kong tapusin sa araw na iyon. Umiiwas din ako sa mga sitwasyong hindi masyadong importante tulad ng pangangapitbahay kung hindi naman kailangan.

Bad time management usually results in not getting things done on time or exhaustion from having to work in a rush near the deadline. In the table below, fill out the possible reasons that usually distract you and get you off track from the tasks that you are supposed to do.  (Ang hindi magandang pangangasiwa sa oras ay madalas na nagreresulta sa hindi pagtapos sa mga kailangang gawin sa oras o kapaguan dahil sa pag-aapura sa nalalapit na dedlayn. Sa table sa ibaba, isulat ang mga posibleng dahilan kung bakit naaabala/nagagambala ka sa mga gawaing dapat mong gawin/tapusin.)

Tasks	Not done because:
a.  Doing housework (Paggawa         ng mga gawaing bahay)	Pagpapaliban; pangangapit-bahay; mabagal kumilos; tinatamad; inaasa sa ibang miyembro ng pamilya
b.  Learn new skills (Pag-aaral ng               mga bagong kasanayan)	Walang ganang gawin; pagpapaliban
c.  Getting to school or work or an appointment on time (Pagpasok sa paaralan o trabaho o pagdating sa oras sa isang tipanan)	Mabagal kumilos; walang preparasyon; napupuyat sa gabi
d.  Updating bio-data                                 (Pag-a-update ng bio-data)	Pagpapaliban; tinatamad
e.  Looking for job   opportunity and apply (Paghahanap ng trabaho at pag-aaplay)	Pagpapaliban; tinatamad; umaasa sa magulang; walang ambisyong umasenso

Pick one task or goal and write down some ideas about how to get this done well and on time. Do not worry if you still cannot think of many ideas. You will get a chance to come back and revise your input. (Pumili ng isang gawain at magsulat ng mga ideya kung paano mo ito magagawa nang maganda at nasa oras. Huwag mabahala kung hindi ka pa makaisip ng maraming ideya. May panahon kang balikan ito at baguhin ang iyong gawa.)

Task or Goal

Time Management Ideas

Tapusin ang Module 5 sa loob ng isang linggo

1.   Gumawa ng isang lingguhang iskedyul ng mga dapat gawin. 2.   Maglaan ng isa’t kalahating oras sa umaga at dalawang oras sa hapon para magbasa at sagutan ang mga gawain sa modyul. 3.   Magpagising sa isang kasama sa bahay tuwing ikaanim ng umaga at matulog ng hindi hihigit sa ika-sampu ng gabi. 4.   Iwasan ang pangangapit-bahay kung hindi kinakailangan. 5.   Pagtuunan at sundin ang nakatalang gagawin sa araw na iyon. 6.   Maglaan ng dalawa o tatlong oras sa isang linggo kung kailan pupuntahan ang mga kaibigang makatutulong upang matapos ang modyul o kung kailan kakausapin sa telepono ang guro sa ALS upang humingi ng gabay. 7.   Maglaan ng isa o dalawang araw sa isang linggo para sa pamilya at mga kaibigan.

Let’s Apply! 

Reflect and write a general plan to improve your time management at home and at work below. Remember that this is not a test, you are writing these for yourself to do. (Magbalik-tanaw at isulat sa ibaba ang isang pangkalahatang plano kung paano mo mapapabuti ang pamamahala mo sa iyong oras sa trabaho at sa bahay. Tandaan na ito ay hindi isang pasusulit, sinusulat mo ang mga ito para iyong gawin.)

            Upang mapabuti ko ang aking pangangasiwa sa oras ko sa bahay at sa trabaho, kailangan kong gumawa ng isang lingguhang iskedyul kung saan itatala ko ang mga mahahalagang gawaing dapat kong tapusin ng araw na iyon.

Write down your daily schedule for 1 week. Note that this schedule is for your own use. There is no correct answer as long as it can help you reach your weekly goals. You may also opt to use a to-do or calendar app on your phone, if this is possible/preferred. (Isulat ang iyong pag-araw-araw na gawain sa isang linggo. Tandaan na ang iskedul na ito ay para sa iyong sarili. Walang tamang sagot hangga’t makatutulong ito upang maabot mo ang iyong mga lingguhang layunin. Maaari ka ring gumamit ng to-do o calendar app sa iyong cell phone, kung ito ay posible/ginusto.)

My weekly goal(s):

               Tapusing basahin at sagutan ang Module 5.

	Time	Day 1	Day 2	Day 3	Day 4	Day 5	Day 6	Day 7
	7:00 – 8:00 AM	Simulan ang Activity 1	Simulan at Tapusin ang Activity 2	Simulan at tapusin ang Activity 3	Puntahan ang isang kaklase upang ikumpara ang ginawang Activity 1, 2, at 3	Simulan ang pagbabasa ng Session 2	Simulan at Tapusin ang Activity 7
	4:00 – 5:00 PM	Tapusin ang Activity 1	Ipagpatuloy ang pagbabasa ng Session 1	Ipagpatuloy ang pagbabasa ng Session 1	Simulan ang Activity 5	Simulan at Tapusin ang Activity 6	Simulan at Tapusin ang Activity 8
	8:00 – 9:00 PM	Simulan basahin ang Sesson 1	Hinggan ng gabay ang guro tungkol sa Activity 3, 4 at 5	Simulan at tapusin ang Activity 4	Tapusin ang Activity 5	Tapusin ang pagbabasa sa Session 2	Sagutan ang pagsusulit sa katapusan ng modyul

GUIDES & SAMPLE ANSWERS of Activity 5 & 6 of ALS Life Skills Module 4 - Work Habits & Conduct

• SESSION 2: APPROPRIATE WORKPLACE BEHAVIORS AND ATTITUDES

Activity 5: Introductory Activity

Share reflections/experiences about the last lesson. What did you enjoy learning? What do you still need to improve on? (Ibahagi ang iyong mga pagbabalik-tanaw/karanasan ukol sa huling aralin. Ano ang nagustuhan mong pag-aaral? Ano ang kailangan mong mapabuti pa?)

            Napagtanto ko na hindi naman pala mahirap gumawa ng isang bio-data subali’t may kahirapan ang gumawa ng application letter lalo na at hindi ako masyadong bihasa sa wikang English. Nakakakaba sa una pero napaglaban ko rin ang aking nerbyos matapos ang tatlong ulit na mock job interview.

Nag-enjoy ako sa pagsasagawa ng isang informational interview kahit nakakakaba ito sa unang pagkakataon. Gayunman, marami akong natutunan sa gawaing ito dahil naranasan ko kung ano ang pakiramdam ng isang tagapanayam. Nakakalap din ako ng maraming impormasyon tungkol sa trabahong nais kong tahakin sa hinaharap. Nakakuha rin ako ng mga payo mula sa isang taong ito ang trabaho. Dahil sa kanya, nalaman ko kung anu-ano ang dapat taglaying edukasyon, kasanayan, at karanasan ng isang nagnanais sa ganitong trabaho maliban pa sa kung anong pag-uugali at pagkilos ang pinahahalagahan ng isang kumpanya sa isang trabahador. Nalaman ko rin na dapat akong maging kalma habang kumakapanayam at pagbutihin pa ang aking kasanayan sa pakikipagtalastasan.

Think of any previous work you have done (including long- or short-term jobs, family business, etc.) and write responses to the following questions: (Isipin ang iyong mga nakaraang trabaho (kabilang ang pangmatagalan o panandaliang trabaho, negosyo ng pamilya, etc.) at isulat ang iyong mga sagot sa mga sumusunod na mga tanong?)

1.        What was the work setting – office, shop, construction site, restaurant? (Ano ang tagpo/eksena ng trabaho – opisina, pagawaan, lugar ng konstruksyon, kainan?)

            Sa isang banko ang setting/tagpo ng aking nakaraang trabaho.

2.        Did you need to follow any rules or regulations (dress, work hours)? (Kailangan mo bang sumunod ng mga panuntunan o regulasyon – pananamit, oras ng trabaho?)

         Sa bankong ito, maraming panuntunan o regulasyon ang dapat sundin. Halimbawa, kailangang nasa oras at nakasuot ng uniporme tuwing papasok. Bawal gumamit ng telepono sa pampersonal na dahilan maliban kung emergency.

3.        What happened if you were not able to follow the rules? (Ano ang mangyayari kapag hindi mo nasunod ang mga panuntunan?)

            Kapag hindi mo nasunod ang mga panuntunan, mayroon itong katapat na parusa. Halimbawa, makatatanggap ka ng oral warning sa unang pagkakataon kapag hindi mo nasunod ang kautusan tungkol sa paggamit ng telepono.

4.        Did your employer give you feedback on how well you were doing your job? And on what you need to do better? (Nagbigay ba ng puna/feedback ang may-ari tungkol sa pagiging magaling mo sa pagtatrabaho? At kung ano ang kailangan mo pang gawin upang mapabuti ito?)

            Tuwing ikatlong buwan ay nakatatanggap ng regular na appraisal report ang isang kawani. Gayunman, nakatatanggap din ng papuri o hindi magandang puna ang isang empleyado sa oras mismo ng pangyayari o ilang araw pagkatapos nito. Nagbibigay rin ng mga payo ang namumuno sa kanyang kinasasakupan upang mapabuti nito ang kanyang trabaho.

5.        Did you behave the same way at work and at home? Why or why not? What were some of the differences? (Pareho ba ang ikinikilos mo sa trabaho at sa bahay? Bakit o bakit hindi? Anu-ano ang ilan sa mga pagkakaiba?)

            Iba ang pagkilos ko sa bahay at sa trabaho subali’t iisa ang pag-uugaling ipinamamalas ko. Medyo pa-easy-easy lang ang kilos ko sa bahay subali’t medyo pino sa trabaho dahil may mga pagkilos sa lugar ng pinagtatrabahuhan na hindi maaaring gawin sa bahay. Halimbawa, hindi maaaring nakapambahay ka lang kapag pumapasok sa banko. Isa pa, maaaring iba ang ipakahulugan ng mga kasamahan sa trabaho kaysa sa mga kapamilya sa iyong ikinikilos. Dagdag pa rito, hindi masyadong mahigpit ang parusang ipinapataw sa bahay kaysa sa trabaho kapag lumalabag ako sa isang kautusan.

Think about it!

Discuss the answers that you wrote down with a family member or a friend. Ask them to share their work experience with you too. (Talakayin ang iyong mga isinulat na kasagutan sa isang miyembro ng pamilya o isang kaibigan. Hilingin sa kanila  na ibahagi rin sa iyo ang kanilang mga karanasan sa trabaho.)

Make a note of your ideas and thoughts about what it takes to be successful at work. (Isulat ang iyong mga ideya at kaisipan tungkol kung ano ang dapat gawin upang maging matagumpay sa trabaho.)

            Mga Dapat Gawin Upang Maging Matagumpay sa Trabaho:

• Magsuot ng malinis at angkop na pananamit sa uri ng trabaho. Laging magsuot ng uniporme kung kinakailangan.
• Pumasok lagi nang nasa oras. Ipagbigay alam agad sa nakatataas kung mahuhuli o hindi makapapasok.
• Pamahalaan nang mabuti ang iyong oras. Magtrabaho sa oras ng trabaho at huwag lumampas sa oras na inilaan sa meryenda.
• Makipag-usap sa superbisor at kapwa empleyado ng positibo at may respeto.
• Maging bukas ang isip sa pagtanggap ng mga puna, positibo o negatibo man, upang mapaunlad ang sarili at ang trabaho.
• Maging matapat sa trabaho upang makakuha ng respeto mula sa namumuno at mga kapwa kawani.
• Iwasan ang talakayan na may kinalaman sa mga suliraning pampamilya.
• Manatiling positibo.
• Respetuhin ang mga namumuno at mga kasamahan, at pangalagaan ang kumpanya at ang mga kasangkapan dito.
• Makiisa at pakipagtulungan sa mga kasamahan

Activity 6: Workplace Behaviors and Attitudes

Read the following scenarios and write down your response to the questions that follow. (Basahin ang mga sumusunod na senaryo at isulat ang iyong kasagutan sa mga sumusunod na tanong.)

Scenario A

    Grace has been working at Alnor Hotel for 4 months as a receptionist. She greets guests and answers any questions about the hotel. Grace lives a bit far from the office, so it takes her one hour to get to work. Her supervisor noticed that over the last month Grace has been arriving half an hour late and is often on the phone quarreling with her aunt. The supervisor has given Grace two warnings now.

    One day, Grace arrives 20 minutes late due to traffic. When she arrives, she sees her supervisor helping a customer. Once the customer departs, the supervisor informs Grace that she will no longer need Grace to work for her. She needs someone who can be on time and responsive to customer needs. 

Reflection Points

What happened in the scenario and why? (Ano ang nangyari sa senaryo at bakit?)

            Nawalan ng trabaho si Grace dahil laging huli sa trabaho. Napansin ng superbisor na lagi siyang nakikipag-away sa kanyang tiya sa oras ng trabaho.

What behaviors led Grace to losing her job? (Anong pag-uugali ang dahilan upang mawalan ng trabaho si Grace?)

1.     Laging naghuhuli sa pagpasok sa trabaho.
2.     Paggamit ng oras ng trabaho sa isyung pampamilya.
3.     Hindi pagpansin sa babalang ibinigay sa kanya.

Do you think the supervisor made the right decision to fire Grace? Why or why not? (Sa palagay mo ba ay tama ang ginawang desisyon ng superbisor na sisantihin si Grace? Bakit o bakit hindi?)

            Tama ang naging desisyon ng superbisor dahil binigyan na si Grace ng mga babala tungkol sa kanyang hindi pagsunod sa mga tuntunin ng kumpanya.

Is it important to keep work and family life separate? How does one do this? (Mahalaga bang paghiwalayin ang trabaho at buhay-pamilya? Paano ito gagawin ng isang tao?)

            Mahalaga ang paghihiwalay ng trabaho at buhay-pamilya hanggang maaari. Maaari itong gawin ng isang kawani sa pamamagitan ng pagtalakay at pagpapaliwanag sa mga kapamilya ng mga tuntunin ng kumpanyang pinapasukan upang malimita ang pag-uusap sa mga emergency o biglaang pangyayari o sa oras ng meryenda lamang. Maaari ring iwaksi o panandaliang kalimutan ng empleyado ang mga isyu o suliraning pampamilya sa oras ng trabaho upang hindi ito makaapekto sa kanyang mga gagawin sa opisina.

What could have Grace done differently so that she would not have lost her job? (Ano ang naiibang dapat ginawa ni Grace upang hindi siya nawalan ng trabaho?)

            Hindi sana nawalan ng trabaho si Grace kung pagkatapos ng ikalawang abiso ay lagi na niyang inaagahan kaysa dati ang oras niya sa pagpasok upang siya ay hindi mahuli. Maaari rin na lumipat siya ng tirahan o makitira sa lugar na mas malapit sa kanyang pinapasukan. Tungkol sa kanyang problema sa kanyang tiyahin, dapat ay hindi niya ito binibigyang importansya sa oras ng trabaho o kaya ay niresolba na niya muna. Dapat ding ipaliwanag ni Grace sa kanyang kapamilya at kamag-anak ang mga tuntunin o regulasyon ng kanilang kumpanya. Dapat ay pinakinggan niyang mabuti ang kanyang superbisor tungkol sa oras ng trabaho at pagiging seryoso sa mga babala nito.

Scenario B

    Mario works for Dennis Construction. He has good skills in construction but can be stubborn sometimes. While working on a new project, Mario’s supervisor, who was new to the job, made some suggestions on how to cut some pieces of wood so they would provide more support to the floor above. Mario had always cut the support beams in a certain way and thought his supervisor must not know much about construction. Mario complained to his co-workers but did not discuss the issue with his supervisor. When it came time to cutting the wood, Mario did it his usual way. The supervisor saw him doing this and yelled at him, telling him to do it the way that he was told. Being yelled at in front of his co-workers embarrassed Mario. He threw down his tools, yelled at his supervisor and walked away from the construction site.

Reflection Points

What happened in the scenario and why? (Ano ang nangyari sa senaryo at bakit?)

            Nainis/naasar si Mario sa kanyang superbisor at hindi niya ito ipinaalam sa huli. Pinagsabi niya ito sa kanyang kasamahan at hindi sinunod ang payo/utos ng nakatataas. Hindi marunong tumanggap ng bagong ideya si Mario, hindi nirespeto ang kanyang superbisor, at umalis ng galit.

What behaviors and attitudes led Mario to his state of anger? (Anong mga pag-uugali at asal ang naging dahilan upang magalit si Mario?)

• 1.    Hindi siya payag tumanggap ng bagong mga ideya, patnubay, at pamamaraan mula sa iba.
• 2.    Hindi siya marunong rumespeto sa nakatataas sa kanya.
• 3.    Hindi siya marunong magpahayag ng problema sa taong may kinalaman dito.

Do you think Mario could have handled it differently? How? (Sa palagay mo ba ay maaaring naiba ni Mario ang sitwasyon? Paano?)

            Sa aking palagay ay maiiba ni Mario ang mga pangyayari kung:

1.    Nakipag-usap siya nang maayos sa kanyang superbisor sa pamamagitan ng pagtalakay sa iminungkahi nito at pagbibigay ng kanyang posisyon o pananaw; at

2.    Hindi niya kinausap at nagreklamo sa mga kasamahan nang hindi hinahanapan ng kalutasan ang suliranin.

Do you think Mario should lose his job? Why or why not? (Sa palagay mo ba ay dapat tanggalin sa trabaho si Mario? Bakit o bakit hindi?)

            Sa aking palagay ay matatanggal sa trabaho si Mario dahil kadalasan na nakasulat sa panuntunan o regulasyon ng isang kumpanya na ang hindi pagsunod at/o pagrespeto ng isang kawani sa kanyang pinuno, superbisor, o nakatataas ay sapat ng dahilan upang matanggal sa trabaho. Ito ay mahalaga upang hindi na pamarisan pa ng iba ang pag-uugaling ito.

What can Mario do to improve his relationship with his boss and succeed in his job? (Ano ang magagawa ni Mario upang mapabuti ang kanyang relasyon sa kanyang amo at maging matagumpay sa kanyang trabaho?)

            Kung bibigyan si Mario ng isa pang pagkakataon, mapapabuti niya ang kanyang relasyon sa kanyang amo at maging matagumpay sa kanyang trabaho kung:

1.    Malimit siya at bukas ang loob na makipag-usap sa mga nakatataas sa kanya;

2.    Bukas ang isip sa mga makabagong ideya at pananaw; at

3.    Marunong tumanggap at rumespeto sa pananaw ng iba.

Think about it!

Share the scenarios and you response to the reflection points with a member of your family or a friend. (Ibahagi sa isang miyembro ng pamilya o isang kaibigan ang mga senaryo/tagpo at ang iyong mga kasagutan sa reflection points.)

Record the key ideas from the discussion in this space below. (Itala sa espasyo sa ibaba ang mga pangunahing ideya sa talakayan.)

1.    Laging pumasok sa trabaho sa tamang oras.

2.    Ihiwalay ang trabaho sa buhay pamilya hangga’t maaari.

3.    Makinig sa sinasabi at payo ng nakatataas.

4.    Seryosohin ang mga babalang ibinigay para hindi magsisi sa huli.

5.    Ihayag at ipaliwanag sa mga kapamilya ang mga tuntunin o regulasyon ng kumpanya.

6.    Maging bukas at respetuhn ang ideya at pananaw ng iba.

7.    Sundin ang utos at respetuhin ang mga nakatataas.

8.    Kausapin ang taong may kinalaman sa problema upang makahanap ng solusyon.

9.    Huwag siraan o ireklamo ang iba sa ibang tao.

Discuss why it is important to listen to feedback, both positive and constructive, from employers. (Talakayin kung bakit mahalaga na makinig sa puna/feedback, parehong positibo at nakatutulong, mula sa employer/may-ari ng isang kumpanya.)

            Mahalagang makinig ng mga positibo at konstruktibong mga puna mula sa may-ari upang lalo pang mapabuti ang pagtatrabaho. Nakapagbibigay rin ito ng pagganyak upang magkaroon ng kumpiyansa sa sarili ang isang kawani bukod pa sa kasiyahan na naramdaman sanhi ng papuring tinanggap. Nagpapatunay rin ito na may malasakit sa iyo ang inyong kumpanya at mahalaga ang iyong kontribusyon dito.

Write a list of appropriate workplace behaviors and attitudes based on the scenarios and what you know from your own experiences as well as the discussion with a member of your family or a friend. (Magsulat ng isang listahan ng mga naaangkop na pagkilos at pag-uugali ayon sa mga senaryo/tagpo at kung ano ang iyong nalalaman mula sa iyong karanasan pati na rin ang talakayan sa pagitan mo at ng isang kapamilya o kaibigan.)

       1.        Magsuot ng malinis at angkop na pananamit sa uri ng trabaho. Laging magsuot ng uniporme kung kinakailangan.

2.        Pumasok lagi nang nasa oras. Ipagbigay alam agad sa nakatataas kung mahuhuli o hindi makapapasok.

3.        Pamahalaan nang mabuti ang iyong oras. Magtrabaho sa oras ng trabaho at huwag lumamas sa oras na inilaan sa meryenda.

4.        Makipag-usap sa superbisor at kapwa empleyado ng positibo at may respeto.

5.        Maging bukas ang isip sa pagtanggap ng mga puna, positibo o negatibo man, upang mapaunlad ang sarili at ang trabaho.

6.        Maging matapat sa trabaho upang makakuha ng respeto mula sa namumuno at mga kapwa kawani.

7.        Iwasan ang talakayan na may kinalaman sa mga suliraning pampamilya.

8.        Manatiling positibo.

9.        Respetuhin ang mga namumuno at mga kasamahan, at pangalagaan ang kumpanya at ang mga kasangkapan dito.

10.      Makiisa at pakipagtulungan sa mga kasamahan

Let’s Apply!

4.13: Work Habits Inventory 

Directions: Read the descriptions given for each of the qualities listed below. Place a check mark on the box next to the statement, which most accurately describes you. (Panuto: Basahin ang mga paglalarawan/paliwanag na ibinigay sa bawa’t katangiang nakalista sa ibaba. Lagyan ng tsek ang kahon na sinusundan ng pahayag, na pinakatamang naglalarawan sa iyo.)

Halimbawa:

1. COURTESY

I am often discourteous to others

I am sometimes not courteous in action or speech

þ I am usually courteous and considerate of others

I am considerate and courteous of others

I am always very courteous and considerate 

2. COOPERATION (ability to get along with others)

        I work against rather than with others

        I find it difficult to get along with others

        I usually get along with others

   þ I get along with others

        I get along well with others, I am friendly and helpful

(Sagutin ang iba pa ayon sa inyong karanasan o palagay)

Summarize the habits that you already have and the habits that you need to work more on in the table below. (Ibuod ang mga ugaling taglay mo na at mga ugaling dapat mo pang mapaigi sa table sa ibaba.)

Work habits I already have	Work habits I need to work more on
Malinis at naaayon na pananamit	Positibong pagtanggap ng mga kritisismo
Magalang sa nakatatanda at marespeto sa nakatataas	Aktibong pakikipagtalastasan at pagpapahayag ng saloobin
Tinatapos ang nakaatang na trabaho sa lalong madaling panahon	Pagtatrabaho ng nag-iisa na hindi nangangailangan ng palagiang gabay
Hindi pumapalya sa pagpasok maliban kung kinakailangan	Pamumuno sa isang proyekto