2018 ALS A&E Reviewer - FILIPINO

Below is the Alternative Learning System (ALS) Accreditation & Equivalency (A&E) Reviewer for Learning Strand I - Communication Arts - Filipino, taken from 2016 & 2018 A&E Test. The answers are purely based on the author's understanding. You may change any answer as you may seem fit. Good Luck!

Learning Strand I – FILIPINO – HIGH SCHOOL

1. Pangaral ng aking lola na hindi lahat ng tao ay maganda ang pakikitungo sa iyo. Ang ilan ay BUWAYANG LUBOG lamang. Ang mga ito ay _______.

a. manloloko

b. mapagkunwari

C. TAKSIL SA KAPWA

d. Mapanlamang sa kapwa

2. Nakangiting pinagmamasdan ni Lucila ang kanyang KAPILAS NG BUHAY habang ito ay nagpapakain ng mga alagang manok. Ang tinutukoy ni Lucila ay ang kanyang ______.

a. kaibigan

b. kapatid

c. kakambal

D. ASAWA

3. Iyak nang iyak si Anna nang umuwi sa kanyang mga magulang. Idinaing niyang hirap na hirap na siya dahil sa maagang pag-aasawa. Anong salawikain ang angkop dito?
a. Ang pagsasama ng tapat, pagsasama ng maluwat.
B. ANG PAG-AASAWA'Y DI BIRO, KANIN BAGANG ISUSUBO'T ILULUWA KUNG MAPASO.
c. Minsan, kailangang maghintay upang makamit ang tagumpay
d. Kung isang malaking mali ang pagdating ng isang tao sa buhay mo, matuto kang pakawalan ito.

4. Pinagmamasdan ko ang aking titser sa elementarya habang kami ay kumakain sa isang restoran. Napansin kong ALOG NA ANG KANYANG BABA. Siya ay _______.

A. MATANDA NA

b. Hulas na ang ganda

c. Bumabata siya

d. Nakabibighani ang ganda.

5. Ano ang ipinahihiwatig ng larawan sa ibaba?

a. Natatakot dahil gabi na

b. Mabilis magtrabaho kaya natapos agad ang mga gawain

C. NATATARANTA DAHIL HINDI PA TAPOS ANG MGA GAWAIN AY MALAPIT NA ANG UWIAN

d. Malungkot dahil siya ay pagod na

6. Maraming kaibigan si Maymay (1) DAHIL lagi (2)mong maasahan (3)ang tulong (4)niya.

Alin sa may bilang sa unahan ng salita ang tumutukoy sa pangatnig?

A. 1

b. 2

c. 3

d. 4

7. Karamihan sa mga mag-aaral ay nangangamba tuwing sila ay pinasusulat ng tula ng kanilang guro.

Alin sa mga salita sa ibaba ang panghalip?

a. karamihan

b. mga

c. tuwing

D. KANILANG

Para sa Bilang 8, basahin ang pahayag at sagutin ang kasunod na tanong.

Si Angelo ay masunuring bata. Si Mark ay masipag. Sila ay pinalaking maayos ng kanilang magulang gaya ng kaibigan mong sina Bryan at Art.

8. Ang panghalip na SILA sa pangalawang pangungusap ay tumutukoy kina____.

a. Angelo at Bryan

b. Mark at Art

C. ANGELO at MARK

d. Mark at Bryan

9. Kung ang kawikaang di-mahulugang karayom ay maraming tao o matao, ang di-maliparang uwak ay _____.

a. maraming uwak

b. maraming panauhin

C. MALAWAK

d. malapad

10. Kung ang naniningalang pugad ay nanagngahulugang nanliligaw, ang nagbibilang ng poste ay______.

A. walang magawa

b. Naghahanap ng trabaho

c. maraming pera

d. hindi makabuluhan

11. Masdan mo si Maria. Di madapuang langaw ang kanyang suot na kimona.

Ang kahulugan ng “di madapuang langaw” ay _____.

a. mamahalin

B. MALINIS

c. mahaba

d. maikli

12. Ang pusong mamon ay nangngahulugan ng maawain, ang bakal na puso ay nangangahulugang ______.

a. mabait

b. masama

c. matapang

d. matigas ang kalooban

13. Kung ang kabungguang balikat ay nangangahulugang kaibigan, ang kasaulian ng kandila ay nangngahulugan ng _____.

a. karamay

b. kasangga

C. KAAWAY

d. kakampi

14. Araw-araw ay nagdarasal si Juana na siya ay mgakaroon ng trabaho nguni’t hindi naman siya naghahanap.

Anong salawikain ang nababagay sa sitwasyong ito?

a. Daig ng maagap ang masipag

b. Kapag may tiyaga, may nilaga

c. Matalino man ang matsing, napaglalamangan din

D. NASA DIYOS ANG AWA, NASA TAO ANG GAWA.

Para sa Bilang 15 – 19, basahin ang tula sa ibaba at sagutin ang kasunod na mga tanong.

“Ang Guryon”

ni Ildefonso Santos

Tanggapin mo, anak, itong munting guryon

na yari sa patpat at papel de Hapon;

magandang laruang pula, puti, asul,

na may pangalan mong sa gitna naroon.

Ang hiling ko lamang, bago paliparin

ang guryon mong ito ay pakatimbangin;

ang solo’t paulo’y sukating magaling

nang hindi mag-ikit o kaya’y magkiling.

Saka pag sumimoy ang hangin, ilabas

at sa papawiri’y bayaang lumipad;

datapwa’t ang pisi’y tibayan mo, anak,

at baka lagutin ng hanging malakas.

Ibigin mo’t hindi, balang araw ikaw

ay mapapabuyong makipagdagitan;

makipaglaban ka, subali’t tandaan

na ang nagwawagi’y ang pusong marangal.

At kung ang guryon mo’y sakaling madaig,

matangay ng iba o kaya’y mapatid;

kung saka-sakaling di na mapabalik,

maawaing kamay nawa ang magkamit!

Ang buhay ay guryon: marupok, malikot,

dagiti’t dumagit, saanman sumuot…

O, paliparin mo’t ihalik sa Diyos,

bago pa tuluyang sa lupa’y sumubsob!

15. Saan inihambing ang guryon?

a. pagsubok

b. pag-big

C. BUHAY

d. kabataan

16. Sa tula, ang pisi ay ginamit upang magbigay pakahulugan sa_______.

A. KATATAGAN

b. kalooban

c. pasensya

d. desisyon

17. Anong damdamin ng tagpagsalita ang ibinabatid ng tula?

a. pag-unawa

b. pagmamalasakit

c. pagkakaisa

D. PAGMAMAHAL

18. Ano ang layunin ng may-akda?

a. Magbigay ng impormasyon sa may pinagdadaanang pagsubok sa buhay.

B. MAGBIGAY ARAL AT KATATAGAN TUNGKOL SA BUHAY NA PUNO NG PAGSUBOK.

c.Magbigay ng impormasyon tungkol sa mga pagsubok sa buhay.

d. Hikayatin ang mga tao na maging mapamaraan sa buhay.

19. Ano ang angkop na larawan na namumuo sa inyong diwa na nagbibigay kahulugan sa guryon?

a. eroplano

B. SARANGGOLA

c. payong

d. lobo

Para sa Bilang 20 – 21, pag-aralan ang health advisory at sagutin ang kasunod na mga tanong.

(imahe mula sa

https://www.pup.edu.ph)

20. Tungkol saan ang health advisory?

A. pag-iwas sa dengue

b. Paalala sa sanhi ng dengue

C. PAGSUGPO SA DENGUE

d. Pag-iingat sa dengue

21. Ano ang layuning nais ilahad ng health advisory?

A. MANGHIKAYAT

b. maglahad ng opinyon

c. magdagdag ng impormasyon

d. magpaliwanag

Para sa Bilang 22 – 24, basahin ang talata at sagutin ang mga tanong ukol dito.

[1] Ang saging ang pinakamasustansyang prutas na malaki ang maitutulong sa pagpapalaki ng katawan. [2] Marami ang nagsasabi na ang saging ay hindi prutas kundi isang uri ng berry. [3] Ang puno nito ay maituturing isang uri ng “herb”. [4] Nagtataglay din ito ng sustansyang tumutulong sa pagpapabilis ng pagbuo ng nasirang tisyu sa katawan.

22. Ano ang pangunahing kaisipan ng artikulo?

a. Ang saging ay hindi prutas kundi isang uri ng berry.

b. Ang punong sanging ay maituturing na isang uri ng herb.

C. ANG SAGING ANG PINAKAMASUSTANSYANG PRUTAS.

d. Tumutulong ang saging upang mapabilis ang pagbuo ng mga nasirang tisyu sa katawan.

23. Anong bilang ng pangungusap ang nagpapatnubay na ang saging ang “pinakamasustansyang” prutas?

a. 2

B. 4

c. 1

d. 3

24. Ano ang layunin ng binasang artikulo?

a. maglahad ng opinyon

b. magpaliwanag

C. MAGBIGAY NG IMPORMASYON

d. manghikayat

25. “Ang buhay ko ay isang bukas na aklat”, naiinis na sambit ni Monica sa mga kapit-bahay na nagkakalat ng tsismis sa kanya

Ano ang ibig sabihin ng talinhagang ginamit?

a. Nais niyang ikuwento ang kanyang buhay.

B. WALANG SEKRETONG TINATAGO SI MONICA.

c. Bukas ang buhay niya para sa lahat

d. Wala siyang pakialam sa mga kapit-bahay

26. Si Bb. Reyes ay maagang pumapasok upang maghanda para sa kanyang klase. Matiyaga niyang tinuturuan ang kanyang mga mag-aaral. Si Gng. Basilio na kanyang guro noong siya ay nasa high school ang kanyang iniidolo. Siya ay isang huwarang guro para sa kanya.

Ang salitang SIYA sa huling pangungusap ay patungkol kay ______.

a. sa mga mag-aaral

b. kay Bb. Reyes

c. kina Bb. Reyes at Gng. Basilio

D. KAY GNG. BASILIO

27. Nanood ng sine si Edna. Kasama niya si Fely. Kinabukasan, nakita nila si Jerry at ikinuwento rito ang pelikulang napanood. Ang salitang NILA ay tumutukoy kina ______.

A. EDNA AT FELY

b. Fely at Jerry

c. Edna at Jerry

d. Edna, Fely, at Jerry

Punan ang mga patlang sa Bilang 28 at 29.

28. Ang programang ito ay bahagi ng kampanya ________ paggamit _____ bawal na gamot.

a. ukol sa, ito

B. LABAN SA, NG MGA

c. labag sa, para sa

d. para sa, ng

29. Ang kalusugan at edukasyon ______ kabataan ay ang prayoridad _____ pamahalaan.

a. nang, na

b. sa, ng mga

C. NG, NG

d. ukol sa, ng

 Para sa Bilang 30 – 33, basahin ang aritkulo at sagutin ang mga tanong.

Si Efren Geronimo Peñaflorida ay ipinanganak noong Marso 5, 1981. Ang kanyang ama ay isang traysikel drayber at ang ina naman ay isang simpleng maybahay. Siya ay lumaki sa isang iskwater na malapit sa tambakan ng basura. Nagtapos si Efren ng elementarya at sekondarya sa tulong ng iskolarship at nagkamit ng mga parangal at gawad sa klase. taong 2000, nagtapos si Efren ng Teknolohiyang Pangkompyuter na may mataas ng karangalan. Ipinagpatuloy niya ang kanyang kurso kung saan siya ay nakapagtapos bilang Cum Laude noong 2006 sa Kursong Mataas na Edukasyon.

Siya ang nagtatag at tagapamuno ng Dynamix Teen Company, na naghahandog sa mga kabataang Pilipino ng alternatibong edukasyon sa mga palaboy sa kalye sa pamamagitan ng paglalapit ng paaralan sa mga hindi karaniwang lugar tulad ng sementeryo at mga tambakan ng basura. Tinawag itong Klasrum Kariton. Noong Nobyembre 22, 2009, itinampok si Peñaflorida bilang Bayani ng Taon ng CNN dahil sa kanyang kahanga-hangang kontribusyon sa pagtulong sa iba sa pamamagitan ng Klasrum Kariton. (mula sa tlwikipedia.org)

30. Ano sa mga sumusunod na pahayag ang naglalarawan sa payak na pamumuhay ni Efren?

a. Siya ay isang iskolar.

B. Siya ay lumaki sa iskwater na malapit sa tambakan ng mga basura.

c. Siya ay anak ng isang traysikel drayber at ng simpeng maybahay.

d. Siya ay tumutulong sa mga kabataan sa lansangan.

31. Sa paanong paraan siya nakapagtapos ng pag-aaral?

a. Sa pamamagitan ng Klasrum Kariton

b. Sa pagtatrabao sa maliit na pansitan ng pamilya

C. Sa pamamagitan ng iskolarship at tulong pinansyal

d. Sa kinita ng kanyang ama bilang traysikel drayber

32. Anu-ano ang mga katangiang taglay ni Efren?

a. Simple, matapang, at matalino

b. Matapang, matiisin, at matalino

c. mabait, matapang, at matalino

D. mabait, matalino, at matulungin

33. Anong sawikain ang angkop para sa buhay ni Efren?

a. Kapag may tiyaga, may nilaga.

B. Hindi hadlang ang kahirapan sa karunungan.

c. Nasa Diyos ang awa, nasa tao ang gawa.

d. Minsan kailangan maghintay upang makamit ang tagumpay.

Para sa Bilang 34 – 38, basahin ang buod ng maikling kuwento at sagutin ang kaukulang tanong ukol dito.

Sandaang Damit

ni Fanny A. Gracia

          May isang batang mahirap na tahimik lagi sa kanyang klase. Ang kanyang damit ay luma na at tinapay lamang ang kanyang baon palagi. Ang mga bagay na ito ang dahilan kung bakit siya inaasar ng kanyang mga kaklase. Naintindihan din naman ng bata ang sitwasyon ng kanyang pamilya.

          Isang araw, biglang nagkatinig ang bata at ikinuwento niya na siya ay may isang daang damit. Ikinuwento niya ang tungkol sa kaliit-liitang detalye ng kanyang mga damit. Simula noon ay malapit na siya sa kanyang mga kaklase.

          Ngunit nang simulang lumiban ang bata sa klase, nagtaka ang kanyang guro at kaeskwela kaya pinuntahan nila ang bata sa kanilang tahanan. Nakita nila ang sira-sirang bahay ng bata, ngunit hindi siya gad ang kanilang hinanap kundi ang sandaang damit ng bata. Nakita nila itong nakadikit sa dingding, isandaang damit na pawang drowing lamang pala.

34. Anong pag-uugali ang ipinakita ng bata sa unang bahagi ng kuwento?

A. MAUNAWAIN

b. masayahin

c. mapagkunwari

d. matapat

35. “Ang kanyang damit ay luma at tinapay lamang ang kanyang baon.”

Ang pahayag ay sumusuporta sa kaisipan na ang bata ay ______.

a. mailap

B. MAHIRAP

c. matipid

d. mahiyain

36. Sinabi niyang mayroon siyang isandaang damit sa kanilang bahay.

Sa anong bahagi ng kuwento ito makikita?

a. Wakas

b. Kasukdulan

c. Kakalasan

d. KASIGLAHAN

37. Anong mensahe ang nais iparating ng may-akda sa kanyang mambabasa?

Ang kahirapan ay ______.

A. karaniwang estado o kalagayan sa buhay

b. dapat ikarangal

C. HINDI DAPAT IKAHIYA

d. sagabal sa tagumpay

38. “Naging kaibigan ng batang babae ang kanyang mga kaklase dahil sa paniniwalang siya ay may sandaang damit.”

Saang bahagi ng kuwento ito naaakma?

a. Panimula

b. Kakalasan

c. Kasukdulan

d. Katapusan

Para sa Bilang 39-40, basahin ang patalastas

=============================================

 PATALASTAS

ANO             :         UGNAYAN SA BARANGAY

KAILAN        :         Nobyembre 28, 2016

SAAN           :         DEL PILAR COVERED COURT

SINO            :         Barangay Officials, ALS Learners,

                              Magulang

PARA ANO   :         Makalikha ng mga gawaing susuporta

                              Programang ALS

 ============================================

39. Ang layunin ng patalastas ay:
 

a. Ipakilala ang mga programang pangkabuhayan

B. MAKALIKHA NG MGA GAWAIN PARA SA KOMUNIDAD NG ALS

c. Magkaroon ng patimpalak para sa ALS Learners

d. Magplano para sa isang pasinaya pang-Pasko

40. Sinu-sino ang mga dapat dumalo ayon sa patalastas?

a. Barangay officials, ALS learners, magulang at mga punong-guro

b. Barangay officials at magulang

C. Barangay officials, ALS learners, at magulang

d. Magulang at ALS learners

Sa Bilang 41 – 44, basahin ang seleksyon at sagutin ang kasunod nitong mga tanong.

Walang makapipigil kay mang Arman upang gampanan ang kanyang tungkulin bilang haligi ng tahanan. Hindi pa bukang-liwayway ay pumapalaot na ang kanyang munting bangka. Isang mangingisda si Mang Arman. Nagsisikap siya upang mabigyan ng maayos na pamumuhay ang kanyang pamilya. kahit masama ang panahon, ito ay hindi niya pinapansin dahil sa wala na siyang ibang maaasahan. Isang araw, pumalaot siya kahit masama ang panahon.

41. Anong angkop na pamagat para sa talata?

A. Pagiging Ulirang Ama ni Mang Arman

b. Pagiging Mapangahas ni Mang Arman

c. Ang Karanasan ni Mang Arman

d. Ang Pangingisda ni Mang Arman

42. Anong kahanga-hangang katangian ang ipinamalas ni Mang Arman?

a. Matiyaga

b. Matapang

c. Masikap

d. Mapagmahal

43. Anong pangungusap sa talata ang naglalarawan kay Mang Arman bilang “haligi ng tahanan”?

a. Wala siyang ibang maaasahan.

b. Walang makapipigil kay Mang Arman.

c. Hindi pa bukang-liwayway ay pumapalaot na ang kanyang bangka.

D. Nagsisikap siya na mabigyan niya ng maayos na pamumuhay ang kanyang pamilya.

44. Ano ang maaaring maging wakas ng binasang seleksyon?

a. Magkakasakit si Mang Arman

B. Maaaring malagay sa panganib ang buhay ni Mang Arman

c. Makahuhuli ng maraming isda si Mang Arman

d. Masisiraan ng bangka si Mang Arman

Para sa Bilang 45 – 46, basahin ang lathalain.

          Ang edukasyon ay nagiging daan tungo sa isang matagumpay na hinaharap ng isang bansa. Kung wala nito, at kung ang mga mamamayan ng isang lipunan ay hindi magkakaroon ng isang matibay at matatag na pundasyon ng edukasyon, magiging mahirap para sa kanila na abutin ang pag-unlad. Marapat lamang na maintindihan na ang edukasyon ay siyang magdadala sa kanilang inaasam na mga mithiin.

45. Bakit nasabing ang edukasyon ang daan tungo sa matagumpay na bansa?

A. NAPAPAUNLAD ANG BANSA

b. May malalim na pang-unawa sa kapwa

c. Ikinararangal ng sambayan

d. May matatag na kinabukasan

46. Ano ang pinakaangkop na pangwakas ng binasang seleksyon?

a. Magiging palaasa

b. Makakakuha ng trabaho ang mga Pilipino

C. Umunlad ang ating bansa

d. Magamit ang kasanayan sa pagtatrabaho

Para sa Bilang 47

         

          Muwebles na yari sa ginto’t pilak,

          pagkaing ngayon ko lang natikman,

          lupang halos di ko na matanaw ang

          hangganan sa lawak nitong taglay,

          at idagdag mo pa ang mga baro niya

          na sa tela pa lamang ay batid mong ito’y may kamahalan.

          Hay! Sana ako ang nasa iyong kalagayan

          at di na maghihirap magkuskos ng hagdanan.

47. Anong larawang diwa ang ipinapakita ng pahayag?

a. Mayaman na inapi ng mahirap

B. Mahirap na nangangarap

c. Mayaman at mahirap

d. Mayroong magkaibigan

Para sa Bilang 48 – 50, basahin ang diyalogo at sagutin ang mga tanong.

Ben    :         Inay, ito po ang resulta ng aking pagsusulit. Ipagpaumanhin po ninyo na

                    bumagsak ako sa Matematika dahil napakahirap po. At saka, maikli ang

                    oras na ibinigay.

Ina     :         Huwag ka nang mag-alala. Ipagpatuloy mo lang ang iyong pagsusunog

                    ng kilay sa pag-aaral at sa kalaunan eh siguradong makakapasa ka na.

48. Batay sa diyalogo, si Ben ay isang ______ bata.

a. masipag na

b. mahinang

c. matiyagang

d. matapat

49. Anong katangian ng ina ang inilarawan sa binasang teksto?

A. Maunawain at magaling magpayo

b. mabait at malambing

c. Maalalahanin at marunong umunawa

d. Masipag at matiyaga

50. Ano ang ibig ipakahulugan ng “pagsusunog ng kilay”?

a. Makasagot sa tanong ng guro

B. MAG-ARAL NANG MABUTI

c. Makapasa sa pagsusulit

d. Makapagsulat ng sanaysay

Disclaimer/Pagtatatuwa:

Ang mga tanong na nasa itaas ay hinango at hinalaw ng may-akda sa mga nababasang posts sa internet. Ang mga sagot ay base lamang sa kanyang sariling pang-unawa.