Tulad nang mga nakaraang taon, talagang mabagal ang paglabas ng resulta ng ALS A&E dahil na rin sa pagtsitsek ng sanaysay o essay ng nasabing pagsusulit. Isa pa, idinadaan sa isang bidding process kung sino ang magsasagawa ng pagtsitsek ng mga papel kung may sapat na itong pondo. Kadalasan naman ay nailalabas ang resulta bago magsimula ang pasukan.
Dahil dito, dapat magpraktis ang mga kumuha ng pagsusulit upang sa gayon ay makapasa sila sa mga college entrance test na kanilang haharapin. Gawing makabuluhan ang paghihintay dahil kung nakapasa man tayo sa ALS A&E ay baka naman bumagsak tayo sa test na ibibigay ng mga pamantasan at kolehiyo.
