ALS REVIEWER for AERT and A&E - LIFE and CAREER SKILLS

PILIIN ang titik ng tamang sagot.

31. Bakit kailangan may motibasyon ang mga empleyado sa kanilang pagtatrabaho?

A. Upang ganahan silang pumasok araw-araw.

B. Para galingan pa nila ang pagtatrabaho.

C. Upang sila ay manatiling tapat at totoo sa kanilang kumpanya.

D. Lahat nang nabanggit

 

32. Ang Barangay Sampaguita ay malayo sa bayan. May ilang tindahan dito na hindi hamak na mataas ang presyo kaysa sa pamilihang bayan. Gayunman, walang magawa ang mga mamamayan kundi ang tangkilikin ang nasabing mga tindahan. Kung mayroong kooperatiba sa Barangay Sampaguita, anong buti ang maidudulot nito sa komunidad?

A. Magsasara ang mga tindahang mahal magtinda ng mga bilihin.

B. Bababa ang presyo ng mga bilihin.

C. Lalaki ang kita ng barangay.

D. Papagandahin ang kalsada patungong barangay.

 

33. Mahihikayat ang mga empleyado na magtrabaho nang magaling at mahusay kung ______.

A. mamatyagan ang kanilang bawa’t kilos

B. magtatalaga ng isang tauhan na maglilista ng mga tamad na empleyado

C. bibigyan sila ng karampatang insentibo upang pagbutihin ang pagtatrabaho

D. magbibigay ng babala na tatanggalin ang mga tamad na empleyado

 

34. Alin sa mga sumusunod ang katangian ng isang monopolyo sa pamilihan?

A. Nagkakasundo ang mga prodyuser sa iisang presyo ng mga produkto.

B. Mahigpit na kumpetisyon sa presyo ng mga bilihin.

C. Mangilang-ngilan lamang ang mga prodyuser ang nagsusuplay ng mga bilihin.

D. Iisa lamang ang taga-suplay ng produkto o serbisyo sa pamilihan.

 

35. Si Gng. Ramos ay kalihim ng isang malaking kumpanya. Napansin niyang tila lumalabis na ang ipinakikitang pagkagiliw sa kanya ng kanyang boss. Kung ikaw si Gng. Ramos, ano ang iyong gagawin?

A. Ipaalam sa boss ang iyong napapansin at balaan na kung hindi titigil ay magsusumbong ka sa kinauukulan.

B. Huwag na lamang itong pansinin nang hindi mawalan ng trabaho.

C. Isumbong kaagad sa DOLE ang nangyayari.

D. Pumayag sa gusto ng boss kapalit ang mataas na posisyon at sahod.

 

36. Bilang accountant, sinabihan ka ng may-ari na bawasan ng isang milyon ang ibabayad ninyo sa BIR ng taong iyon kapalit ng P250,000.00 na bonus. Ano ang iyong gagawin?

A. Pumayag kung gagawing kalahating milyon ang bonus.

B. Ipagbigay alam sa BIR ang gustong mangyari ng may-ari.

C. Tanggihan ang alok at sabihing iyon ay taliwas sa sinumpaan mong tungkulin.

D. Hingan ng opinyon ang pamilya sa nais mangyari ng may-ari.

 

37. Nalaman mong nataasan ka ng posisyon at sahod ng empleyadong kapapasok lamang. Ano ang mabuti mong gawin?

A. Magpunta sa HR Department at pulaan ang kanilang naging desisyon.

B. Magpunta sa HR Department at alamin ang mga dahilan.

C. Magbitiw sa trabaho dahil hindi patas ang inyong kumpanya.

D. Ipagsabi sa iba na “sipsip” sa may-ari ang bagong empleyado.

 

38. Alin sa mga sumusunod ang HINDI patakaran ng Kagawaran ng Paggawa?

A. Pagbibigay ng 13^th month pay sa bawa’t empleyado.

B. Pagbibigay ng overtime pay sa higit sa 8 oras na pagtatrabaho.

C. Pagbibigay na sahod kung maysakit at nagbabakasyon.

D. Pagbibigay ng bonus sa masisipag na trabahador.

 

39. Alin ang mainam na paraan upang tumaas ang posisyon at sahod?

A. Sundin ang lahat na iutos ng may-ari.

B. Maging magiliw sa may-ari.

C. Galingan ang trabaho at kumuha ng dagdag kaalaman.

D. Gawing ninong ng anak ang may-ari.

 

40. Bababa ang presyo ng isang bilihin kung ________.

A. darami ang suplay nito

B. darami ang mga mamimili

C. tataas ang buwis nito

D. bibilhin ng pamahalaan ang produkto

 

41. Ang paggamit ng pinong lambat sa paghuli ng malalaking isda ay labag sa batas at may  ________.

A. multang P2,000.00 hanggang P20,000.00

B. parusang pagkakakulong ng anim na buwan

C. A at B

D. Lahat nang nabanggit

 

42. Ano ang maaaring kaligtaan sa  nilalaman ng isang liham sa pag-aaplay ng trabaho?

A. saan o paano nalaman ang bakanteng posisyon

B. posisyong inaaplayan

C. sahod na inaasam

D. maaari sa isang panayam

 

43. Ipagpalagay na sa puhunang P1,000 ay nakagagawa ka ng 100 pancake. Kung tumaas ang presyo ng harina, ano ang mangyayari sa bilang ng nagagawa mong pancake sa parehong puhunan?

A. higit sa 100

B. mas mababa sa 100

C. walang pagbabago

D. di-mawari

 

44. Ang isang empleyado ay “underemployed” kung _______.

A. ang kanyang trabaho ay taliwas sa kanyang pinag-aralan at kasanayan

B. ang kanyang sahod ay hindi katumbas ng kanyang pinag-aralan at kasanayan

C. ang kanyang trabaho ay walang hamon at kabagot-bagot

D. lahat nang nabanggit

 

45. Masasabing may malayang pamilihan ang isang bansa kung _______.

A. limitado lamang ang mga bilihin sa merkado

B. gobyerno ang nagdedesisyon kung anong produkto lamang ang maaaring bilhin sa merkado

C. maraming bilihin at pamilihan ang maaaring pagpilian ng mga mamimili

D. walang pagkakataong makapamili ang mga mamimili ng nais nilang bilhin

 MGA SAGOT

Please watch the video below for the correct answers:

https://www.youtube.com/watch?v=19HN_NszdC4

ALS REVIEWER for AERT and A&E - MATHEMATICS

For similar Review Questions, please watch and subscribe.

Aling Aida borrowed P10,000.00 with a simple interest rate of 8% per annum from her cooperative payable in 5 years. She promised to pay P3,000.00 for the first four years to the cooperative. How much will Aling Aida pay on the 5th year?

A. P800.00

B. P2,000.00

C. P4,000.00

D. P4,447.04

2020 AERT REVIEWER - Life and Career Skills

Learning Strand 4 – Life and Career Skills

PANUTOI: Piliin ang titik ng tamang sagot.

1. Pangarap ni Mandy ang maging arkitekto sa kanilang lugar. Sa susunod na pasukan ay mag-aaral na siya ng Senior High School. Anong track ang dapat niyang kunin?

A. Academic

B. Sports

C. Technical-Vocational-Livelihood

D. Arts & Design

2. Mag-aaral ng Senior High School si Maricar at kasalukuyang nakatala sa Academic Track ng kanilang paaralan. Dahil hindi pa niya alam ang kursong kukunin sa kolehiyo ay kinuha niya ang ABM strand. Tama ba ang kaniyang naging desisyon?

A. Oo, dahil mataas ang sahod ng isang CPA.

B. Oo, dahil baka magustuhan niya ang maging CPA, magtrabaho sa banko o mahilig sa pagnenegosyo.

C. Mali, dahil dapat ay General Academic ang kinuha niyang strand.

D. Mali, dahil hindi ito kaya ng kanyang utak.

3. Ano ang hindi mo dapat isaalang-alang kung papasok ka bilang isang empleyado o trabahador sa unang pagkakataon?

A. kakayahan at kasanayan

B. limitasyon, kahinaan, at kapansanan

C. sahod at layo ng papasukan

D. hirap ng trabaho

4. Nagtapos ng inhenyeriya si Reycar at nagbabalak na pumasok ng trabaho. Ano ang una niyang dapat gawin?

A. Gumawa ng liham sa pag-aaplay

B. Bumili ng pahayagan at tumingin ng bakanteng trabaho sa anunsyo-klasikipikado

C. Gumawa ng bio-data o resume’

D. Maghanda sa interbyu

5. Upang makapagpatayo ng isang negosyo, anong dokumento ang unang dapat kunin?

A. barangay clearance

B. cedula

C. pangalan ng negosyo (business name) mula sa DTI

D. permiso mula sa munisiplyo o mayor’s permit

6. Hinihikayat ka ng iyong kasamahan sa trabaho na sumapi sa isang unyon. Ano ang dapat mong gawin?

A. Agad itong tanggihan upang hindi ka mapag-initan ng may-ari.

B. Sumapi ng may pag-aalinlangan upang hindi layuan ng mga katrabaho.

C. Alamin ang mga adhikain, responsibilidad at benepisyo ng unyon bago sumapi o tumanggi.

D. Huwag sumapi dahil labag ito sa batas sa paggawa.

7. Napansin mong nilalayuan ka ng mga dati mong kasamahan magmula ng itaas ka ng posisyon sa kumpanya. Paano mo ito bibigyan ng solusyon?

A. Huwag silang pansinin.

B. Dapat lamang na iba na ang turing nila sa iyo.

C. Lumipat ng trabaho.

D. Kausapin sila at alamin ang dahilan.

8. Mula sa paisa-isang bilao ng puto at kutsinta ay naragdagan ang bilang ng order ni Aling Lucy mula sa isang pamosong kainan. Ano ang maimumungkahi mo sa kanya?

A. Dagdagan ang pampaalsa upang lumaki ang nilulutong produkto.

B. Magdagdag ng tauhan upang matugunan ang order.

C. Bawasan ang mga sangkap upang lumaki ang tubo.

D. Humango ng puto at kutsinta sa mga kakumpetensiya upang matugunan ang order.

9. Sa pagtatayo ng negosyo sa isang pamayanan, ano ang unang dapat isaalang-alang?

A. Ang produkto at ang pangangailangan nito ng komunidad

B. Ang suplay ng mga materyales na gagamitin

C. Ang puhunan at ang tagal ng pagbalik nito

D. Ang tutubuin sa pagnenegosyo

10. Isang uri ng pangangalakal kung saan hindi alintana ang pagbabayad ng buwis sa pamahalaan.

A. nag-iisang pagmamay-ari

B. sosyohan

C. korporasyon

D. kooperatiba

11. Natuklasan mo sa pinapasukang kumpanya na hindi ito sumusunod sa tamang timpla ng produkto na itinalaga ng batas. Ano ang una mong dapat gawin?

A. Ipaalam sa iyong asawa ang iyong natuklasan.

B. Ipaalam sa DTI ang iyong natuklasan.

C. Hingan ng paliwanag ang iyong superbisor bago gumawa ng susunod na aksyon.

D. Magsawalang-kibo nang hindi mawalan ng trabaho.

12. Bilang isang may-ari ng negosyo, ano ang iyong gagawin kay Marciano na masipag subali’t malimit na magkamali sa paggawa ng produkto?

A. Bigyan ng huling abiso at sisantihan kapag umulit.

B. Sanayin siyang muli.

C. Huwag nang pansinin dahil sa kanyang kasipagan.

D. Ibawas sa kanyang sahod ang bawat maling produkto.

13. Bagong lipat ka sa pamayanan at napansin mong maraming puno ng sasa o nipa ang tumutubo sa gilid ng ilog. Anong negosyo ang HINDI angkop sa lugar na iyon? Paggawa ng _____.

A. kulambo

B. suka

C. tuba

D. pawid

14. Ipinaalam ni Mang Damian sa pinapasukang kumpanya na siya ay may malubhang karamdaman. Binigyan ng karampatang benebisyo si Mang Damian at saka tinanggal sa trabaho. Tama ba ang naging desisyon ng kumpanya?

A. Oo, kung papayag si Mang Damian.

B. Oo, kung ang kanyang karamdaman ay lalampas ng anim na buwan na gamutan at/o wala ng lunas.

C. Hindi, dahil labag ito sa batas sa paggawa.

D. Hindi, dahil maraming umaasa kay Mang Damian.

15. Tumaas ang palitan ng piso sa dolyar. Ano ang HINDI magandang magiging epekto nito?

A. Madaragdagan ang ipinadadalang pera ng mga OFW.

B. Tataas ang ating importasyon ng mga produkto mula sa ibang bansa.

C. Tataas ang eksportasyon ng ating mga produkto sa ibang bansa.

D. Tataas ang halaga ng ating utang-panlabas.

SAGOT